57 Views
قومی کرکٹ ٹیم کے اوپنر شان مسعود نے رواں سیزن میں ڈربی شائر سے معاہدہ کررکھا ہے جبکہ ریڈ بال کاؤنٹی چیمپیئن شپ میں انہوں نے 844 رنز بنائے، جس میں 3 سنچریاں بھی شامل تھیں جبکہ دو ڈبل سنچریز اسکور کیں۔
ڈربی شائر کے کوچ مکی آرتھر کا کہنا ہے کہ شان ایک بہترین کپتان کے طور پر نظر آئیں گے جبکہ اسکواڈ میں شامل تمام کھلاڑی انہیں سپورٹ کرتے ہیں۔
پاکستانی اوپنر کی قیادت میں ڈربی شائر کی ٹیم برمنگھم بیئرز کے خلاف میدان میں اترے گی۔
واضح رہے کہ شان مسعود انگلینڈ ٹی20 میں کسی کاؤنٹی کی کپتانی کرنے والے دوسرے پاکستانی ہیں، اس سے قبل وسیم اکرم ہمپشائر کی ایک میچ میں قیادت کر چکے ہیں۔
شان مسعود پاکستان سپر لیگ میں ملتان سلطانز، قومی ڈومیسٹک سیزن میں سدرن پنجاب اور کشمیر پریمیر لیگ میں باغ اسٹالینز کی قیادت کے فرائض بھی سرانجام دے چکے ہیں۔
