79 Views
عالمی خبر رساں ادارے کے مطابق سنگاپور میں 10 سے 12 جون تک شنگریلا ڈائیلاگ سمٹ کا انعقاد کیا گیا ہے جس میں دنیا بھر کے اعلیٰ فوجی اہلکار، سفارت کار اور اسلحہ ساز کمپنیوں کے نمائندے شریک ہیں۔
شنگریلا ڈائیلاگ سیکیورٹی سمٹ کے حاشیے میں سخت حریف ممالک چین اور امریکا کے وزرائے دفاع کے درمیان اہم اور غیر متوقع ملاقات ہوئی۔ امریکی وزیر دفاع لائیڈ آسٹن نے چینی ہم منصب وائی فینگی کے ساتھ ملاقات میں دوطرفہ تناؤ سے جڑے معاملات پر تبادلہ خیال کیا۔
دونوں رہنماؤں کی اس ملاقات کو باہمی تجارت، تائیوان، بحیرہ جنوبی چین کے تنازع اور یوکرین پر روسی حملے کے پیش نظر انتہائی اہم تصور کیا جا رہا ہے اور 5 سال سے زائد تجارتی کشیدگی کے خاتمے کی جانب پہلا قدم قرار دیا جا رہا ہے۔
