58 Views
عالمی خبر رساں ادارے کے مطابق امریکی ریاست انڈیانا کے شہر انڈیاناپولس کے گرین ووڈ پارک مال میں فائرنگ کے واقعے میں 3 افراد ہلاک اور 2 زخمی ہوگئے۔
فائرنگ کے وقت شاپنگ مال میں موجود ایک نوجوان نے اپنے لائسنس یافتہ پستول سے مسلح حملہ آور کو اسلحہ پھینکنے کو کہا تاہم انکار پر حملہ آور کو گولی مار کر ہلاک کردیا۔
انڈیانا پولیس کے ترجمان کا کہنا ہے کہ 22 سالہ نوجوان نے حاضر دماغی کا مظاہرہ کیا اور اپنے قانونی اسلحے سے حملہ آور کو مزید قتل عام کرنے سے روک دیا۔ حملہ آور کی شناخت کا عمل جاری ہے۔
واضح رہے کہ امریکا میں فائرنگ کے واقعات میں اضافہ دیکھا گیا ہے اور گزشتہ دو ماہ میں ایسے واقعات میں ہلاک ہونے والوں کی تعداد 50 سے تجاوز کرگئی ہے جن میں اسکول کے معصوم بچے بھی شامل ہیں۔
