وفاقی کابینہ نے آئندہ عام انتخابات کے دوران امن و امان برقرار رکھنے کے لیے پاک فوج اور سول آرمڈ فورسز کے جوانوں کی تعیناتی کی منظوری دے دی ہے۔
کابینہ کا اجلاس آج اسلام آباد میں نگراں وزیراعظم انوار الحق کاکڑ کی صدارت میں ہوا جس میں وزارت داخلہ کی سفارش پر یہ منظوری دی گئی۔
یہ فیصلہ کیا گیا ہے کہ یہ سکیورٹی اہلکار حساس علاقوں اور پولنگ سٹیشنز کے ذمہ دار ہوں گے اور ریپڈ رسپانس فورس کے طور پر بھی کام کریں گے۔
اس موقع پر گفتگو کرتے ہوئے وزیراعظم نے ملک میں ٹیکس ریونیو میں اضافے، ٹیکس جی ڈی پی کے تناسب کو بہتر بنانے اور فیڈرل بورڈ آف ریونیو کے انتظامی ڈھانچے کے حوالے سے دی گئی تفصیلی تجاویز پر نگراں وزیر خزانہ ڈاکٹر شمشاد اختر کی کاوشوں کو سراہا۔ .
انہوں نے اس بات کا اعادہ کیا کہ نگران حکومت ایف بی آر اصلاحات کے حوالے سے تجاویز کی حمایت کرتی ہے۔
انوار الحق کاکڑ نے ایف بی آر اصلاحات کے حوالے سے کابینہ کے ارکان کی آراء کی روشنی میں وزیر خزانہ کی زیر نگرانی ایک بین وزارتی کمیٹی قائم کرنے کی ہدایت کی۔
کابینہ نے وزارت قومی صحت کی سفارش پر وائس چانسلر شہید ذوالفقار علی بھٹو میڈیکل یونیورسٹی اسلام آباد کی تقرری کے لیے سرچ کمیٹی کے قیام کی منظوری دی۔
کابینہ نے رواں ماہ کی 9 تاریخ کو ہونے والے اقتصادی رابطہ کمیٹی کے اجلاس کے دوران کیے گئے فیصلوں کی بھی توثیق کی۔
