79 Views
وزیر اعلیٰ پنجاب مریم نواز شریف نے صوبے بھر میں قومی کھیل بالخصوص ہاکی کے فروغ کے لیے حکومت کے عزم کا اعادہ کیا ہے۔
لاہور میں قومی ہاکی ٹیم کے کھلاڑیوں سے گفتگو کرتے ہوئے انہوں نے ہاکی کی بہتری کے لیے بھرپور تعاون کا یقین دلایا۔
انہوں نے قومی کھیل کی بحالی پر ہاکی کے کھلاڑیوں کی تعریف کی۔
انہوں نے صوبائی وزیر کھیل فیصل ایوب کو ہدایت کی کہ وہ صوبے میں ہاکی کے فروغ کے لیے کھلاڑیوں سے رابطہ رکھیں۔
انہوں نے نچلی سطح پر کھیلوں کے فروغ کے لیے اجتماعی کوششوں کی ضرورت پر زور دیا۔
مریم نواز نے امید ظاہر کی کہ قومی ٹیم مستقبل میں مزید چمکے گی۔
