29 Views
نگراں وزیراعظم انوار الحق کاکڑ نے کہا ہے کہ 8 فروری کو ہونے والے عام انتخابات سے ملک میں سیاسی استحکام آئے گا۔
ایک نجی ٹیلی ویژن چینل کو انٹرویو دیتے ہوئے انہوں نے کہا کہ نگران حکومت نے اپنے مقرر کردہ زیادہ تر اہداف کامیابی سے حاصل کر لیے اور ان کامیابیوں کو درج کرنے کے لیے ایک وائٹ پیپر جاری کیا جائے گا۔
انہوں نے کہا کہ اگلی حکومت کو بین الاقوامی مالیاتی فنڈ کے ساتھ مل کر کام کرنا ہو گا اور معیشت کو آگے لے جانے کے لیے ٹیکس کے نظام میں اصلاحات لانا ہوں گی۔
وزیر اعظم نے کہا کہ خصوصی سرمایہ کاری سہولت کونسل نے متحدہ عرب امارات اور قطر کے ساتھ 25 بلین ڈالر کے مفاہمت کی یادداشتوں پر دستخط کرنے کی کوشش کی قیادت کی۔
